Runde 15: Her er troppen mot Ranheim

Etter tre veker utan kamp er det endeleg klart for kamp att. I dag møter me Ranheim på Fosshaugane. Billettar kjøper du her.

Dette er det viktigaste du treng å vite:

• Jamal Haruna og Ronney Onyango er tilbake i kamptroppen. Haruna returnerte nyleg frå utlån i Sandnes Ulf.
• Spissen Sverre Stavø (17) er med i A-lagstroppen for første gong. Sverre har scora ni mål for Sogndal 2 så langt i år. I dag kan debuten i OBOS-ligaen kome.
• Eirik Bakke leier laget. Han er mellombels hovudtrenar fram til og med 16. august.

S Sogndal-Egersund (4-2)	27.06.2026 20:00	Fosshaugane Campus
T Kongsvinger-Sogndal (5-1)	03.07.2026 18:00	Gjemselund 1 kunstgress 11er
S Sogndal-Ranheim TF (3-2)	26.07.2026 15:00	Fosshaugane Campus
Lyn-Sogndal	02.08.2026 17:00	Bislett stadion				Billettar
Sogndal-Bryne	09.08.2026 17:00	Fosshaugane Campus				Billettar

Troppen

Lars Jendal, Kacper Bieszczad, Atli Barkarson, Sander Granheim, Jamal Haruna, Emil Hillestad, Even Hovland, Mathias Øren, Diogo Brás, Ronney Onyango, Tuomas Pippola, Elias Flo, Vegard Hagen, Martin Høyland, Marius Årøy, Lukass Vapne, Kasper Skaanes, Onni Helén, Preben Asp, Sverre Stavø.

Billettar

Billettar kan kjøpast på sogndalfotball.no/billettar eller i billettbui.

OBS! Billettbui er flytta tilbake til Svingen-bygget.

Familie/juniorsvingen

Ta med barna på familietribuna og innom leikerommet vårt. Her blir det teikning, perling, brettspel og mykje moro. Før kampstart får barna springe ei runde rundt midtsirkelen før dei kjem tilbake på tribuna. Eit skikkeleg høgdepunkt for dei minste.

Student

Studentane er viktige for oss i Sogndal. Dei kjem inn for berre 30 kroner. Bruk promokode student26 på TicketCo. Hugs studentbevis.

Seniorklubben

Møt opp ein time før kamp i lokala til Seniorklubben ved sida av Skraol. Det blir servert kaffi og vaflar. Program: Jon sitt hjørne. Deretter går me inn i Skraol og høyrer på trenarane. Ta gjerne med ein ven eller to.

Skraol

Start fotballdagen på samlingsplassen Skraol. Her får du tilbakeblikk på tidlegare oppgjer, ferske intervju med trenarane og god stemning saman med andre supportarar. Perfekt opplading før avspark. Litt snacks, godt selskap og fotballprat, så er me klare når det brakar laus ute på bana.

Sogndalbui

Supporterbutikken held ope frå éin time før kampstart, i pausen og ein halvtime etter kampslutt.

Bortesupportarar

Les meir her: Informasjon til bortesupportarar

🤍 STAO NO PAO 🖤