Superbygda Balestrand
Sogndal Fotball og MOT har vore på skulebesøk ved Sagatun skule. "Me bryr oss"
- Det er alltid utruleg kjekt å kome til Balestrand. Her er både ungdom og vaksne godt kjende med Sogndal Fotball og smila sitt lett, seier kontorleiar Hilde Østbø.
- Det første som møter oss i dag er ei blid jente som den kvite Sogndaldrakta på. Det varmar eit sogndalhjarte, fortel Østbø.
Onsdag denne veka var Sogndal Fotball og MOT ute på sitt 3. skulebesøk i fylket, og innhaldet vart godt motteke ved Sagatun Skule.
Ca. 60 elevar og lærarar frå 7.-10.-trinn deltok på samlinga.
Frå A-lagstroppen var Edin Øy og Ole Amund Sveen med.
- Det er veldig kjekt å møte så mykje flott ungdom, og få prate om eit aktuelt tema. Eg håpar dei tek med seg gode erfaringar frå dagen i dag, seier Sveen.
Ballar og vestar til skulen
Emma i 9.ene tok i mot 10 ballar og eit vestsett i gåve frå Sogndal Fotball. Dette håpar me vil spre enda større idrettsglede hjå ungdommane.
Balestrand og Høyanger er kommuneprosjekt til kampen mot Sandnes Ulf på søndag
Søndag 6. mai spelar Sogndal kamp mot Sandnes Ulf. I den forbindelse inviterer Kviknes Hotel, Nesseplast og Per A. Øren til gratis kampoppleving til alle som er busett i Balestrand eller Høyanger kommune.
Bruk promokoden BALESTRAND eller HOYANGER, for å bestille dine gratis billettar (gitt at ein bur i Balestrand eller Høyanger).
Sogndal - Sandnes Ulf
Søndag 6. mai kl18:00
Fosshaugane campus