Tine Fotballskule 2018
Sogndal Fotball arrangerer Tine fotballskule i veke 33
Tine Fotballskule går snart av stabelen igjen, og me gjer oss klar til å ta i mot spelarar fødd i 2007 til 2011.
Det er 130 plassar tilgjengeleg i veke 33. Det kan vere lurt å vere ut i god tid, då det i fjor vart fullbooka tidleg.
Veke 33: måndag 13.august til torsdag 16.august (frå 10:00-14.00 kvar dag) - Pris kr 800.
Ein klassisk dag hjå oss:
10:00-11:30 Fotballøkt 1
11:30-12:15 Lunsj
12:15-13:55 Fotballøkt 2
13:45-14:00 Samling i sirkelen og info om neste dag
Instruktørar under årets Tine Fotballskule vil vera trenarar og spelarar frå kubb.
Betaling:
Ved registrering i Sognahallen måndag er det mogleg å betale med kort eller kontant.
Syskenmoderasjon: 20 % for barn nr.2 og 40 % for barn nr.3 og fleire.
Inkludert i prisen:
Utstyr frå Tine (sekk, t-skjorte)
Umbro ball
Billett til ein valfri heimekamp med Sogndal Fotball
Drikke til lunsj kvar dag
Grillmat siste dag
Praktisk informasjon:
1.Tine Fotballskule startar måndag med registrering og utdeling av utstyr frå klokka 09:00 i Sognahallen.
2.Tysdag til torsdag er det oppmøte i Sognahallen klokka 09:50.
3. Deltakarane kan på eige ansvar, vere i Sognahallen frå klokka 09.00 til treningsstart alle dagar.
4. Henting mellom klokka 13:55-14:15 i Sognahallen. Ansvarleg frå Sogndal Fotball vil vere i hallen til 14:30 kvar dag det er fotballskule.
5. Fotballøktene vil vere i Sognahallen, Fosshaugane Campus og på Kvåle Stadion.
6. Det er viktig at deltakarane tek med seg utdelt ball alle dagar, samt drikkeflaske og nistepakke (utanom grilldagen)